മുംബൈ ക്രിക്കറ്റ് അസോസിയേഷൻ (MCA) പ്രസിഡൻ്റ്(president) അമോൽ കാലെ(Amol Kale) മരിച്ചു. 2024 ടി20 ലോകകപ്പിൽ(T20 World Cup 2024) ഇന്ത്യയും പാകിസ്ഥാനും തമ്മിൽ നടന്ന മത്സരത്തിനിടെ ഹൃദയാഘാതത്തെ തുടർന്നായിരുന്നു മരണം. മത്സരം കാണാൻ അമേരിക്കയിലെത്തിയതായിരുന്നു അമോൽ കാലെ. സ്റ്റേഡിയത്തിൽ ഇരുന്ന് മത്സരം കാണുന്നതിനിടെ ഹൃദയാഘാതം സംഭവിക്കുകയായിരുന്നു. ദേവേന്ദ്ര ഫഡ്‌നാവിസിൻ്റെ അടുത്ത അനുയായിയായിരുന്നു അമോൽ കാലെ.
ഇന്ത്യ-പാക് മത്സരം കാണാൻ എംസിഎ ഉദ്യോഗസ്ഥർക്കൊപ്പമാണ് അമോൽ ന്യൂയോർക്കിൽ എത്തിയത്. നസാവു കൗണ്ടി ഇൻ്റർനാഷണൽ ക്രിക്കറ്റ് സ്റ്റേഡിയത്തിലാണ് മത്സരം നടന്നത്.
കഴിഞ്ഞ വർഷമാണ് അമോൽ കാലെ മുംബൈ ക്രിക്കറ്റ് അസോസിയേഷൻ (എംസിഎ) പ്രസിഡൻ്റായത്. ബിസിസിഐ ട്രഷറർ ആശിഷ് ഷെലാറും ദേവേന്ദ്ര ഫഡ്‌നാവിസുമായി അടുപ്പമുള്ള അമോൽ കാലേയും പ്രസിഡൻ്റ് സ്ഥാനത്തേക്കുള്ള തിരഞ്ഞെടുപ്പിൽ സന്ദീപ് പാട്ടീലിനെ പരാജയപ്പെടുത്തിയിരുന്നു.
